Vishwashanti Kavitetil Vishwatmakata By Dinesh Kale (विश्वशांती कवितेतील विश्वात्मकता)

डॉ. दिनेश काळे यांनी आजपर्यंत साहित्याचे वैविध्यपूर्ण प्रकार हाताळलेले असून त्यात भावनांची विशुद्ध पखरण केलेली आहे. साहित्यकृती जरी एकट्याची निर्मिती असली तरी ती कलाकृती जेव्हा वाचकांच्या हाती येते तेव्हा त्यातील भावभावनांचा गोफ एकट्याचा राहात नाही. अमुक एका साहित्यकृतीत अभिव्यक्त झालेली वेदना असो की सुख, , ते प्रतीकात्मक असते. त्या त्या समाजाचे, काळाचे पडसाद त्यात उमटलेले असतात. आज संपूर्ण जग ज्या तऱ्हेने वाटचाल करीत आहे ते अनुभवता.. संवेदनशील मनाला होणाऱ्या यातनांना शब्दही देता येत नाही. त्यांच्यासाठी फक्त प्रार्थनाच करता येते. दिनेश काळे यांची 'विश्वशांती' ही फक्त कविता नसून आजच्या समाजासाठी, विश्वातील प्रत्येक व्यक्तीच्या कल्याणासाठीची करुणामय प्रार्थनाच आहे.