‘वारकरी वैष्णव संप्रदाय’ हे पुस्तक लिहिण्याचा मुख्य उद्देश म्हणजे, तेराव्या शतकात मनुस्मृती आधारे पूर्वापार चालत आलेल्या स्मार्त सनातन धर्माकडून उपेक्षित उपयनास अपात्र स्त्री शूद्रातिशूद्र बहुजनांसहित सकळजनांच्या कल्याणासाठी संतांनी वारकरी संप्रदाय व संत वाङ्मयाच्या माध्यमाने सकळांना समान अधिकार असलेला भागवद्धर्मीय वैष्णव कुळाचा कूळ धर्म सांगितला. म्हणजेच सरळ सोपा श्रीविठ्ठल भक्तीचा मार्गदाखविला व कलियुगात परिणामशून्य केवळ धनाचे साकडे असलेल्या, स्मार्त सकाम कर्मकांडाची निरर्थकता समाजाला स्पष्ट करून सांगितली. नवस सायास, बलिप्रथा, जादूटोणा अशा कुप्रथा नाकारून, वर्ण व जातीचा अभिमान विसरून, सर्व जाती-धर्माच्या आबालवृद्ध स्त्री-पुरुषांना पंढरीचे वारकरी म्हणून पंढरपूरक्षेत्री, चंद्रभागेच्या वाळवंटात परमार्थ साध्य करण्यासाठी एकत्र केले. वारकरी संतांनी जगाच्या कल्याणासाठी आपल्या सर्वस्वाचा त्याग करून, शरीर व प्राणाची चिंता न करता, धर्ममार्तंडांच्या विरोधांना व अत्याचारांना न जुमानता, पारवाड खंडन करून, वेगळा परमार्थ सांगून समाजाला जागविले. अशा संतांचा मार्ग म्हणजेच ‘वारकरी संप्रदाय’ होय. तो यथाशक्य शिक्षकांच्या माध्यमाने विद्यार्थ्यांपर्यंत पोहोचावा म्हणून हे पुस्तक लिहिले आहे. या पुस्तकात चरित्र व चरित्रातील चमत्कारांवर भर न देता, संतांचा वारकरी संप्रदाय व वारकरी संप्रदायाची आचार-विचारांची परंपरा व सकळांच्या आत्मोद्धार कार्याचाच विचार केला आहे, जो शालेय मूल्य शिक्षणासाठी पूरक आहे.

Guaranteed safe checkout:

Orders Ship Within 3 To 5 Business Days.