Trutiya Netra (Bhag 1 v 2) By Sanjay Sonawani (तृतीय नेत्र १ आणि २ )

तृतीय नेत्र १ 
विजयनगर साम्राज्याचा सम्राट देवरायाने हंपीच्या विरुपाक्ष मंदिरातील शिवप्रतिमेवर 'तृतीय नेत्र' म्हणून एक दुर्मीळ रक्तवर्णी हिरा बसवला. सोळाव्या शतकातील मुस्लीम आक्रमणाच्या काळात रहस्यमयरीत्या ‘तृतीय नेत्र' गायब झाला आणि त्या विनाशकारी धामधुमीनंतर हंपी शहरच नष्ट झाल्याने तो विस्मरणातही गेला. एकविसाव्या शतकात अचानक काही सूचक जुनी कागदपत्रे हाती आल्यावर गुप्तपणे आंतरराष्ट्रीय टोळीच्या हस्तकांनी निर्दय होत त्याचा शोध सुरू केला. सुरत स्वारीच्या दरम्यान तृतीय नेत्र शिवाजी महाराजांच्या हाती लागून तो महाराष्ट्रात आला असावा, या शंकेने कर्नाटकात सुरू असलेला शोध महाराष्ट्रात आला. एका पाठोपाठ एक रक्तरंजित घटना घडू लागल्या. पोलीसही चक्रावले. पण ही खुनांची मालिका आणि त्यामगील रहस्य शोधत बदमाशांच्या मार्गात आडवे आले एक इतिहास संशोधक धाडसी तरुण जोडपे. कोठे होता एवढा काळ तो तृतीय नेत्र ? काय होते त्याचे रहस्य ? शेवटी कोणाच्या हाती लागला तो ? एक जळजळीत रहस्यमय थरार कादंबरी तृतीय नेत्र...!

तृतीय नेत्र २-
दुसऱ्या भागात रक्तवर्णी हिऱ्याला आंतरराष्ट्रीय रंग चढलेला आहे. 
कसा ? ते वाचा लेखक संजय सोनवणी यांच्या खास थरारक शैलीत. 
छत्रपती शिवाजी महाराजांनी सुरतेची लूट केली होती त्या काळातले पुरावे शोधण्याची प्रकरणे रक्तवर्णी हिऱ्याच्या इतिहासाला आणि कथानकाला एक वेगळीच झळाळी देतात. मोगल दप्तराचे , इंग्रज पोर्तुगीज डच यांच्या व्यापारी नोंदी असे सारे सारे धुंडाळून रक्तवर्णी हिऱ्याची खरी माहिती मिळते का ? 
मीनाक्षीचे काय रहस्य असते? 
आंतरराष्ट्रीय डॉन रक्तवर्णी हिरा मिळवण्यासाठी का कोट्यवधी रुपये खर्च करत असतो ?
विजयनगर साम्राज्याच्या वंशजांचा या रक्तवर्णी हिऱ्याशी काय संबंध असतो ? 
पोलिसांच्या कडेकोट बंदोबस्तात कोपिश्वर राव ला ठेवले जाते तेव्हा तो पोलिसांच्या तावडीतून सुटतो का? 
राहुल अपहरणातून आधीच सुटलेला होता. तो आणि कविता या प्रकरणात शेवटपर्यंत असतात का ? की पुन्हा अडचणीत सापडतात ? 
रक्तवर्णी हिऱ्याचे पुढे काय होते ? तो कोणाला मिळतो ? हे कोडे सुटते का ? 
ही कादंबरी वाचकाच्या मनात पानोपानी अशा असंख्य प्रश्नांचा स्फोट करते.