Tipkagad By Dr. Rajan Dhondiram Padval (टिपकागद)

"टीपकागद" अक्षरशः एका बैठकीत वाचून संपवलं.बरेच दिवसांनी हा योग आला.हे स्फुट लेखन कि ललित वगैरे टीकाकारांना पडणारे प्रश्न.मला वैयक्तिक रित्या हे मस्त वाटलं.कुठलाही लेख उघडून वाचायला सुरुवात करावी असं. हे 'राजनजींचे' अनुभव पण हे टीप कागदावरचे डाग मनात राहतात.लहानपणी टीपकागद ही एकतर्हेची चैन होती.मित्राचे आजोबा डॉक्टर होते आणि त्यांना त्याकाळी भेट म्हणून औषध कंपन्या त्यांची जाहिरात एका बाजूला छापलेले ब्लॉटिंग पेपर मिळायचे.माझा मित्र त्यातलाच एखादा मला द्यायचा.तो टीप कागद मग वर्षे दोन वर्षे जपून वापरायचा. त्यावेळी फौंटनपेनची शाई सांडणे आणि टीप कागद हे समीकरणच होतं.त्या टीप कागदावर जागा शिल्लक नाही अशी खात्री पटेपर्यंत त्याचा वापर व्हायचा.असो. पण आजकालच्या जाहिरात युगात म्हणतात तसे "दाग अच्छे है" असं हे टीप कागदावरचं लेखन आहे.फारच सुंदर "When you write more and more personal it becomes more and more universal" असं एक इंग्रजी quote आहे तसं हे लेखन.अनुभव राजनजींचे असले तरी आपणही यातील काही अनुभवातून गेलेलो आठवत राहतं.मात्र त्यातून लेखकाने केलेली उकल आणि मार्गदर्शन अप्रतिम. दत्ता आपटे, कोल्हापूर.