Soneri Savalya - सोनेरी सावल्या |By V. S. Khandekar

वि. स. खांडेकरांनी लिहिलेल्या सार्वकालिक, हृदयस्पर्शी तत्त्वांनी ओतप्रोत अशा रूपककथांचा हा आणखी एक छोटासा संग्रह. रूपककथा हे स्थूल निर्देश करणारं शीर्षक. प्रत्यक्षात त्या कधी लोककथेच्या वेशात सामोऱ्या येतात, कधी कविमनानं कल्पिलेल्या तत्त्वकथेच्या रूपात आपल्याला भेटतात. कधी गद्यरूपात प्रकट झालेला तो अत्यंत तरल असा काव्याविष्कार असतो. खांडेकरांचा म्हणून जो विशेष वाचकवर्ग आहे, त्याला या पुस्तकाचा याहून अधिक परिचय आवश्यक आहे असं नाही.