Sanskar, Bhakti Aabi Preranecha Anamol Pustksanch + Goshtirup Haripath + Goshtirup Gatha By Navnath Jagtap & Arti Jagtap (संस्कार, भक्ती आणि प्रेरणेचा अनमोल पुस्तकसंच ! गोष्टीरूप हरिपाठ + गोष्टीरूप गाथा - लेखकः नवनाथ जगताप | आरती जगताप)

गोष्टीरूप हरिपाठ + गोष्टीरूप गाथा - लेखकः नवनाथ जगताप | आरती जगताप

गोष्टीरूप हरिपाठ

संत ज्ञानेश्वरांनी रचलेला 'हरिपाठ' हा वारकरी संप्रदायाचा श्वास आणि महाराष्ट्राच्या आध्यात्मिक परंपरेचा अमूल्य ठेवा आहे. परंतु, त्यातील तत्त्वज्ञान सर्वसामान्यांना आणि विशेषतः नव्या पिढीला सहज समजावे, या उदात्त उद्देशाने 'गोष्टीरूप हरिपाठ' या पुस्तकाची निर्मिती करण्यात आली आहे. ज्ञानेश्वर माऊलींच्या अभंगांमधील सखोल अर्थ या पुस्तकात अत्यंत सोप्या आणि रंजक गोष्टींच्या माध्यमातून उलगडून दाखवला आहे. प्रत्येक अभंगामागील शिकवण, भक्तीचे महत्त्व आणि नामस्मरणाची ताकद दैनंदिन जीवनातील उदाहरणे व आकर्षक बोधकथांच्या आधारे स्पष्ट केली आहे. विठ्ठल भक्तीचा हा निर्मळ प्रवाह गोष्टींच्या रूपात वाचकांपर्यंत पोहोचवण्याचा हा एक प्रामाणिक प्रयत्न आहे. 

गोष्टीरूप गाथा

गोष्टरूप गाथा' हे पुस्तक संत तुकाराम महाराजांच्या अजरामर अभंगांना आणि त्यांच्या शिकवणीला एका रंजक, सोप्या आणि गोष्टीरूपात वाचकांसमोर आणते. संतांचे विचार केवळ अभ्यासापुरते मर्यादित न राहता ते आजच्या पिढीला सहज समजावेत, या उद्देशाने या पुस्तकाची निर्मिती करण्यात आली आहे.यात तुकोबांच्या जीवनातील महत्त्वाचे प्रसंग, त्यांचे विचार आणि त्यांनी समाजाला दिलेली शिकवण छोट्या-छोट्या कथांच्या माध्यमातून मांडली आहे.