Ranabakhar By Milind Thatte

आदिवासी म्हणजे ‘रानातले राजे’ अशीच आजवरची रूढ प्रतिमा. पण गेल्या पंचवीस-तीस वर्षांत आदिवासींच्या जगण्याचे अनेक कंगोरे समोर येत आहेत. त्यात कुपोषणापासून विस्थापनापर्यंत आणि स्वशासनापासून ते नक्षलवादापर्यंत अनेक बाबी आहेत. मग, आदिवासींचं हे आजचं जगणं कसं आहे ? त्यांचे खरे प्रश्न काय आहेत ? त्यांच्या कष्टमय जगण्याचा फास सुटावा, यासाठी काय प्रयत्न चालले आहेत? मायबाप सरकारच्या धोरणांमुळे त्यांच्या जगण्यावर काय परिणाम होतो आहे ? गेली दहा-बारा वर्षं नाशिक-ठाणे-नंदुरबार या पट्ट्यातील आदिवासींसोबत त्यांच्यातलाच एक बनून राहिलेल्या आणि त्यांच्याच नजरेतून त्यांची सुख-दुःखं बघण्याचा प्रयत्न करणाऱ्या एका कार्यकत्याने सांगितलेली ही रानबखर.