Manapasun By Dr. Rajendra Mane (मनापासून)

यातील लेखांना भावनांचा ओलावा आहे. मराठमोळ्या मातीचा गंध आहे. वाचकांच्या मनाची पकड घेईल अशा लेखनशैलीचा आविष्कार आहे. अंतर्मुख करायला भाग पाडणाऱ्या घटना घडामोडींचा उहापोह आहे आणि हे सगळं नेमक्या शब्दांत आहे. प्रत्येक लेख चुटकीसरशी वाचून व्हावा आणि त्या लेखातून आपला आपल्या जीवनाकडे पाहण्याचा दृष्टिकोन बदलावा असं शब्दसंचित डॉ. राजेंद्र माने यांच्या लेखणीत आहे. मुळातच त्यांचं जीवनानुभव समृद्ध आहे आणि मनाची निर्मळता, पवित्रता त्यांनी जपलीय, जोपासलीय. या सगळ्याचा पाझर त्यांच्या शब्दाशब्दातून फुटलाय. त्यामुळंच या पुस्तकातील लेख आपल्याला वाचनानंद देण्याबरोबरच माणूस म्हणून समृद्ध करतात. कोणत्याही जिंदादिल माणसाच्या मनात ‘मनापासून मुळे चैतन्याचे नंदादीप प्रज्वलित होतील याची मला खातरी आहे.