Kalikal By Balaji Gharule (कळीकाळ)

महाविद्यालयीन शिक्षण घेण्याकरता खेड्यातून शहरात - विशेषतः पुण्यात - दाखल झालेल्या पौगंडवयीन मुलाची शिक्षण ते उच्चशिक्षण ते नोकरी अशी कुतरओढ हा एक इतका विदारक अनुभव आहे, की १९६० च्या दशकापासून ते आजतागायत त्यावर डझनावारी कथा- कादंबऱ्या लिहिल्या गेल्या. परंतु त्यावर इतक्या ललितकृती आल्या की, आताही त्यात काहीसा तोच तोचपणा जाणवू लागला आहे. 
प्रा. बालाजी घारूळे यांच्या ' कळीकाळ ' या कादंबरीचा विषयही हाच असला, तरी ती या गर्दीतही अगदी ठसठशीतपणे उठून दिसते आणि वेगळा आशयानुभव देऊन जाते.