Garud Puran By Devdutta Pattanaik + Pratham Arthat Antim Mukti By J. Krushnamurti

गरुड पुराण-
 गरुड पुराणआणि हिंदू धर्मातील अन्य कल्पना मृत्यू, पुनर्जन्म व अमरत्वावर या पुस्तकात मृत्यूच्या भोवताली असणाऱ्या अनेक संकल्पनांचा शोध देवदत्त पट्टनायक घेतात. त्यासाठी ते हिंदू पुराणकथांचा प्रदीर्घ पट उलगडतात आणि ज्यांची मुळे हरप्पा संस्कृतीपर्यंत जाऊन पोहोचतात, अशा प्रथांचाही धांडोळा घेतात. ‘मृत्यू’ या संकल्पनेला हिंदू धर्मात मिळणाऱ्या प्रतिक्रियेचा एकमेवाद्वितीय अभ्यास असणारे हे पुस्तक, आपण जीवनात ज्या निवडी करतो, त्यांसाठी एक ‘मार्गदर्शिका’ म्हणूनही उपयुक्त ठरते.

प्रथम अर्थात् अंतिम मुक्ती-
‘दि फर्स्ट अँड लास्ट फ्रीडम’ (प्रथम अर्थात् अंतिम मुक्ती) हे एका ब्रिटिश प्रकाशकाने पहिल्यांदा प्रसिद्ध केले ते १९५४ साली. ‘जे. कृष्णमूर्तीच्या शिकवणुकीचे (टीचिंग्ज) एक सविस्तर पुस्तक व्हावे’ या त्यावेळी जगभरातून होत असलेल्या मागणीला प्रतिसाद म्हणून हे पुस्तक प्रकाशित केले गेले. ऑल्डस हक्सले यांची प्रस्तावना लाभल्याने हे संकलन आणखी समृद्ध झाले आहे. पुस्तकामध्ये दोन विभाग आहेत. एक भाग कृष्णमूर्तीच्या जीवनचिंतनाचा आहे, तर दुसऱ्या भागात श्रोत्यांनी विचारलेल्या प्रश्नांना त्यांनी दिलेली उत्तरे एकत्रित करण्यात आली आहेत. ‘कंटाळा’, ‘व्यर्थगप्पा’ यांपासून ते ‘आत्मबोध’, ‘ईश्वरा’ पर्यंत अगदी वैविध्यपूर्ण विषय यात सामावलेले आहेत. कृष्णमूर्तीच्या शिकवणुकीचा परिचय करून घेण्यास उत्सुक असलेल्यांसाठी ‘प्रथम अर्थात् अंतिम मुक्ती’ ही नक्कीच एक उत्तम सुरुवात ठरेल.

या पुस्तकामधून वाचकांना मूलभूत मानवी समस्येचे यथास्पष्ट, समकालीन विधान गवसेल आणि हा तिढा सोडविण्याचे आव्हानही मिळेल, जो केवळ एकाच मार्गाने सुटू शकतो – स्वतःसाठी व स्वतःद्वारे.