Balivansh By A. H. Salunkhe (बळीवंश)

बळी ! सात काळजांच्या आत जपून ठेवावा, असं अनिरागस 'माणूस'! आपल्या प्रजेतील प्रत्येक व्यक्तीला तिच्या कष्टाचे व हक्काचे फळ सम्यक रीतीने विभागून देणारा संविभागी नेता !! भारतीयांचे वास्तव्य आणि विधायक पूर्वसंचित असलेला कृती, प्रकृती आणि संस्कृती यांचा तजेलदार मोहोर !!!
या बळीचा वंश, तो बळीवंश. या बळिवंशातील माणसे - आपली माणसे, आपल्या रक्तामांसाची माणसे आणि मुख्य म्हणजे आपल्या विचारांची माणसे ! ज्यांनी स्वातंत्र्यासाठी आपले प्राण गमावणे पत्करले, पण तत्वांशी द्रोह केला नाही, आपल्या श्वासोच्छ्वासांवर दडपणे लादून घेणे मान्य केले नाही, अशी माणसे.