पृथ्वीच्या जन्मापासून महाराष्ट्राच्या जन्मापर्यंतचा प्रवास, डार्विनच्या प्रयोगशाळेतून आणि संतांच्या अभंगातून एकाच वेळी वाचायचा असेल तर ‘आम्ही असू अभिजात’ हातात घ्यावाच लागतो. मराठी माती, मराठी शरीर आणि मराठी मन यांचा इतका शास्त्रीय आणि एकसंध उलगडा यापूर्वी मराठीत कुणी केलेला नाही. जीन्स, जैवरसायन, इतिहास, संतपरंपरा आणि राज्यघटना यांना जोडून मराठी अस्मितेचा घेतलेला हा समग्र वेध खरोखरच डोळे उघडणारा आहे.
